Niyanig ng magnitude 6.4 na lindol ang Sarangani, Davao Occidental nitong Miyerkoles ng hapon, ayon sa Philippine Institute of Volcanology and Seismology (PHIVOLCS).

Batay sa impormasyon ng PHIVOLCS, naganap ang lindol dakong 12:13 ng hapon, at unang naitala sa lakas na magnitude 7.0

"Initially, nasa magnitude 7.0 ito, but based on our calculations, nasa magnitude 6.4 na lamang ito," sabi ni PHIVOLCS director Teresito Bacolcol.

"Medyo lumapit doon sa Mindanao island kasi kanina more than 200 kilometers away and ngayon, based on our recalculations, it's around 50 kilometers from the epicenter of the 7.8 event," dagdag niya.

Sinabi rin ni Bacolcol na likha ng Cotabato Trench ang lindol na tectonic ang pinagmulan, na may lalim na 10 kilometro.

Naramdaman ang lakas ng pagyanig sa mga sumusunod na lugar:

  • Intensity V - Glan SARANGANI
  • Intensity IV - Kiamba, SARANGANI; CITY OF GENERAL SANTOS; Malungon and Alabel, SARANGANI; Tupi and Polomolok, SOUTH COTABATO
  • Intensity III - Maasim, Maitum, and Malapatan, SARANGANI; Lake Sebu and Tampakan, SOUTH COTABATO
  • Intensity II - City of Koronadal, Banga, Surallah, SOUTH COTABATO
  • Instrumental Intensities:
  • Intensity V - Sarangani DAVAO OCCIDENTAL; CITY OF GENERAL SANTOS
  • Intensity IV - Kiamba and Malungon SARANGANI; Tupi SOUTH COTABATO
  • Intensity III - City of Digos, DAVAO DEL SUR; Santa Maria, DAVAO OCCIDENTAL; Maasim, Maitum, and Malapatan, SARANGANI
  • Intensity II - Magsaysay and Matanao, DAVAO DEL SUR; City of Kidapawan, COTABATO; Banga, Santo Niño, and Surallah, SOUTH COTABATO; Bagumbayan, Isulan, and President Quirino, SULTAN KUDARAT
  • Intensity I - Tantangan, SOUTH COTABATO; Columbio, Esperanza, Kalamansig, and Lebak, SULTAN KUDARAT

Asahan din umano ang aftershocks, ayon sa PHIVOLCS.

Inihayag din ni Bacolcol na ikinokonsidera ng PHIVOLCS na ang magnitude 6.4 na lindol ay aftershock ng magnitude 7.8 earthquake na tumama sa Maasim, Sarangani noong June 8.

"By definition, aftershock is one degree lower than the main shock. So ang magnitude 7.8 earthquake, ang maximum aftershock na pwedeng natin na ma-generate ay magnitude 6.8," paliwanag nito. — Joviland Rita/Mariel Celine Serquiña/Jamil Santos/FRJ GMA News