Ilang kompanya sa Singapore ang ikinukonsidera na kumuha pa ng mga Filipino bilang mga empleyado, ayon kay Department of Migrant Workers (DMW) Secretary Susan Ople.
Sa pulong balitaan, partikular na tinukoy ni Ople ang Facebook at Grab.
“For Singapore naman, the good news is that Facebook Singapore is actually hiring Filipino workers. For the first time, Facebook has requested for accreditation as an employer which speaks a lot about the excellence of our Filipino IT professionals,” sabi ng kalihim.
“And Grab Singapore, another multinational brand, is also keen on hiring from us,” dagdag ni Ople.
Nakatakdang bumisita bukas, Setyembre 6, sa Singapore si Pangulong Ferdinand “Bongbong” Marcos Jr., pagkatapos ng kaniyang state visit sa Indonesia.
Layunin ng naturang mga biyahe ni Marcos na mapalakas ang seguridad at kalakalan sa mga bansang pupuntahan. — FRJ, GMA News