Dumating na si Pangulong Rodrigo Duterte sa Davao City nitong Martes ng gabi mula sa two-day working visit sa Japan.
Sa kaniyang arrival speech, inilarawan ni Duterte ang kaniyang pagbisita sa Japan na "most productive and engaging."
"I met my good friend, Prime Minister Shinzo Abe, and discussed with him concrete time-bound and specific ways to further intensify bilateral cooperation," ang pangulo.
Kasunod ng pangako ni Abe na "give flesh" sa special assistance program ng Japan sa Pilipinas, sinabi Duterte na masusi itong makikipag-ugnayan para maipatupad ang mga popondohang proyekto sa lalong madaling panahon.
Sinabi ni Duterte na nagkasundo rin ang Pilipinas at Japan para paigtingin ang defense cooperation upang labanan ang terorismo, violent extremism at transnational crimes.
"We will strive to make our waters free and open to our peoples so that we can enjoy its natural maritime resources," ani Duterte. —FRJ, GMA News
