Nagpaalala sa mga botante ang Commission on Elections (Comelec) nitong Miyerkules kung anong marking pen ang gagamitin at paano ang tamang pag-shade o pag-itim sa balota para sa darating na May elections.
Muling ipinaalala si Comelec spokesperson James Jimenez na 25 porsiyento ang shading threshold, o babasahin ng vote counting machines ang mga boto kung hanggang ikaapat na bahagi ng bilog ang naitiman.
Comelec reminds voters about the proper shading of ballots. Shading threshold is 25%, meaning the VCMs or vote counting machines will count as a vote an oval that is 1/4 shaded. But Comelec still advises 100% shading. @gmanews pic.twitter.com/ryqCRuxest
— Tina PanganibanPerez (@tinapperez) February 20, 2019
Gayunman, ipinayo ni Jimenez na mas makabubuting itiman ang buong bilog at hindi dapat mangamba kung lumampas nang bahagya ang pag-itim.
“Hindi naman ito coloring book,” paliwanag niya.
Sinabi pa ni Jimenez na dapat gamitin ng mga botante ang mga marking pen o pang-shade na ibibigay ng Comelec para matiyak na babasahin ng mga VCM ang mga balota.
Comelec to voters: Use marking pen provided by Comelec to ensure VCMs or vote counting machines will read your ballot. Pencil or pen marks may not be read even if you shade the whole oval. @gmanews #Eleksyon2019 pic.twitter.com/jZa6S1s5us
— Tina PanganibanPerez (@tinapperez) February 20, 2019
Babala niya, baka hindi basahin ng mga VCM ang mga balota kung lapis o ibang panulat ang gagamiting pang-itim sa bilog.
Hindi rin umano dapat sulatan o lagyan ng marka ang mga balota lalo na sa "timing marks" na ginagamit ng VCMs para basahin ang balota.
Comelec to voters: Don’t draw, put marks on ballot, esp on timing marks that aid the VCMs/vote counting machines in reading the ballot. Marks may cover invisible security features on the ballot that may result in the machine rejecting the ballot as a fake. @gmanews #Eleksyon2019 pic.twitter.com/i60ABE9YVB
— Tina PanganibanPerez (@tinapperez) February 20, 2019
Mayroon din umanong mga "invisible security feature" ang mga balota na maaaring matakpan ng mga ilalagay na marka ng botante at maging dahilan para i-reject o hindi basahin ng makina ang balota.-- FRJ, GMA News
