Inihayag ng Department of Justice (DOJ) na puwedeng isilbi sa pamamagitan ng Interpol (International Police) at  iba pang diplomatic channels, ang warrant of arrest na inilabas ng korte laban kay dating presidential spokesperson Harry Roque na nasa The Netherlands ngayon.

"As for Harry Roque, since he is abroad, the process will be to go through diplomatic channels," saad ni DOJ spokesperson Mico Clavano sa isang Viber message sa mga mamamahayag nitong Biyernes.

Nang tanungin kung maaaring ipadaan sa Interpol para maaresto si Roque, tugon ni Clavano, "That is one of the diplomatic channels that are available."

Inilabas ng Regional Trial Court Branch 118 sa Angeles, Pampanga ang arrest warrant laban kay Roque, at kay si Cassandra Ong, kasama ang 48 na iba pa sa kasong qualified human trafficking na walang piyansa, kaugnayan sa umano’y scam hub na Lucky South 99.

Ayon kay Clavano, hindi lamang para kay Roque ang arrest warrant kung hindi maging sa iba pang akusado sa kaso.

"We want to clarify that this is a matter of prosecution for a crime in the Philippines. He is one of many accused in the case. He is not being singled out. We should look at this as a venue wherein he can clear his name if indeed he does believe in his innocence," anang opisyal.

Naunang itinanggi ni Roque ang mga paratang laban sa kaniya at sinabing ginigipit lang siya dahil sa pagiging kaalyado siya ni dating pangulong Rodrigo Duterte.

Isasama umano niya ito sa kaniyang aplikasyon sa asylum sa Netherlands.

"I will seek all available legal remedies to secure my life and liberty which are currentlu under threat," ani Roque sa pahayag nitong Huwebes.

"I reiterate: This is not flight as evidence of guilt but the exercise of a human right to asylum," dagdag niya

Samantala, sinabi ni Clavano na may posibilidad na magpalabas ng hold departure order (HDO) laban kay Ong.

"Yes, the prosecution may apply for a hold departure order given that a warrant is already issued for their arrest. This is to ensure that the accused do not leave the country and face the charges of Qualified Human Trafficking," ayon sa opisyal.

Tracker teams ng CIDG

Inihayag naman ng Criminal Investigation and Detection Group (CIDG) ng Philippine National Police nitong Biyernes, na may tracker teams na silang ipinakalat para isilbi ang arrest warrants laban sa mga akusado.

“As of early morning today, the Tracker Teams are tracking and pursuing the 51 accused-subjects of the arrest warrant, across the country,” ayon sa CIDG

Ipinaliwanag ni CIDG chief Police Brigadier General Nicolas Torre III na isa sa pangunahing tungkulin ng CIDG ay hanapin at dakpin ang mga wanted person at hinahanap ng batas.

“Rest assured that your CIDG is relentless in its campaign against wanted persons and fugitives, and steadfast in implementing all laws and arrest its violators. The CIDG is dauntless, the CIDG means business," ani Torre. -- mula sa ulat ni Hana Bordey/FRJ, GMA Integrated News