Ngayong papalapit na ang Pasko na panahon din ng pagsasama-sama, sinulit ng mga dating miyembro ng dating hit youth-oriented at variety show na "That's Entertainment" ang kanilang reunion.
Sa Star Bites report ni Cata Tibayan sa "Balitanghali," sinabing present sina Tina Paner, Ruffa Gutierrez, Ramon Christopher, Jean Garcia, Sharmaine Arnaiz, Ian Veneracion, Chuckie Dreyfus, Patricia Javier, Ana Roces, Vina Morales, Jennifer Sevilla, Romnick Sarmienta, Harlene Bautista, at Glydel Mercado.
Nagpakilig naman nang mag-duet sina Keempee de Leon at Vina Morales.
Hindi rin nila nakalimutang alalahanin ang namayapang "star maker" at "master showman" na si German "Kuya Germs" Moreno, na naging tatay-tatayan nila sa showbiz.-- Jamil Santos/FRJ, GMA News
