Para kay Kapuso actress-host Camille Prats, mas mahirap alagaan ang anak niyang si Nathan noong sanggol pa, dahil sa kulit at likot nito kaysa kay Nala Camilla. Bukod dito, sinagot din ni Camille kung may plano na ba sila ng asawang si VJ Yambao na sundan ang kanilang one-year-old.

"Mas mahirap alagaan si Nathan kasi mas active siya. Siguro 'pag lalaki mas malikot talaga. So I remember, Nathan was prone to more accidents than Nala kasi siya 'yung talagang malikot, matakbo. Tapos si Nathan, we had to put gates sa lahat ng hagdan," sabi ni Camille sa kaniyang contract signing sa GMA Network nitong Biyernes.

"Si Nala parang, wala naman siyang care sa hagdan. So 'yun lang 'yung na-notice ko na difference, na mas malikot talaga, mas active ang lalaki kaysa babae."

Dahil na rin sa pag-iingat ng pamilya ni Camille, wala namang malaking aksidenteng nangyari kay Nathan.

"Wala, wala naman. Mga nauntog, mga ganu'n. Pero siyempre, we try to avoid it as much as possible pero 'yung nag-aalaga kasi sobrang kawawa dahil pagod talaga kakahabol. Unlike si Nala parang chill chill lang siya, lakad-lakad lang tapos nagluluto-luto lang. So 'yun lang ang pinaka-concept niya of playing."

Ayon kay Camille, hindi na "big deal" kay Nathan na isang aktres ang kaniyang ina.

"He grew up kasi, knowing that I am, so parang it was something that was normal for him. It's not like it's such a big deal na 'My mom is an actress.' Hindi, parang normal lang sa kaniya na 'That's mom's job and I grew up knowing that' so it's really not a big deal."

Kamusta naman si Nathan kay Nala Camilla bilang kuya?

"Super sweet, super lambing. Pero there was a time na when Nala would take naps nang matagal, ginigising niya. Kasi daw, lumalaki nang sobra si Nala so feeling niya malalagpasan siya ni Nala. So when I found out na ginagawa niya 'yon, kasi talagang iniistorbo niya while sleeping, kailangan ko siya kausapin. Sabi ko sa kaniya, 'Nala is one year old, you're 10. By the time she's 10, you're 20. Kasi 'yun talaga 'yung age gap nila 'di ba? So 'Hindi ka na talaga aabutan. So 'Don't wake her up' kasi meron siyang gano'n na 'She might be taller than me mom' kasi medyo malaki nga si Nala."

May kaunting pagseselos din daw noon si Nathan lalo na noong kailangang ilaan ni Camille ang kaniyang oras kay Nala.

"Sabi ko, 'yung mga ganoon lang, but more than that he's sweet, he's malambing. He likes to play with her sister. Never naman akong nakaramdam na nagselos siya. Siguro nu'ng newborn pa lang si Nala kasi talagang OA din 'yung needs niya as a baby and I was 100% breastfeeding her. So du'n ko lang na-feel na I really had to make time for Nathan also aside from taking care of Nala."

Handa na ba sila ni VJ na sundan si Nala?

"'Wag muna! Pero gusto ko pa siguro one more, but not anytime soon," sagot ni Camille.

Contract signing

Nananatiling Kapuso si Camille matapos muling pumirma ng kontrata sa GMA Network. Malaki ang kaniyang pasasalamat sa mga projects na binibigay sa kaniya.

"I am actually very excited, I'm looking forward. I have been with GMA for 12 years now and I have grown with them. Nag-start 'yon parang siyempre almost teenage years. And then nag-evolve din 'yung roles that they have given to me throughout the years and I'm very happy with where I am and the work that they have given me. Para sa akin it's an honor to still be with GMA and still be able to be a part of their shows," saad ni Camille.

"Every milestone ata of my life, parang GMA has always a part of it and I'm very blessed na 'yung support din na binibigay nila sa akin all throughout the seasons of my life have remained the same," kaniya pang dagdag.

Sinabi ni Camille na memorable sa kaniya ang naging role niya sa morning show na Ang Forever Ko'y Ikaw.

"I really had fun doing it, it was as real as it could be. It was funny, it was full of emotions pero light lang. Siguro parang, I would want to do more of that. Parang siguro kasi for the longest time I've been doing a lot of heavy drama, with Ang Forever Ko'y Ikaw, I was able to switch from heavy drama to doing something light and still be doing drama at the same time. So I really like that combination."

Hindi rin daw expected ni Camille na ibibigay sa kaniya ang Mars.

"Actually 'yung Mars it's really a project that's unexpected for me kasi hindi naman talaga ako known as someone to be hosting. So when that was offered to me six years ago, akala ko talaga joke siya. Kasi nga parang 'Bakit ako? Andami naman?' But you know, it's really one of the best things that GMA has given me.

"We have been on air for six years now and counting and we're very blessed to be, you know, na hanggang ngayon andami palang nagmamahal sa Mars. So it's really, for me, isa 'yon sa pinakamagandang blessing ko with GMA aside from the other shows that they have given me at iba't ibang roles that I get to portray, isa talaga 'yang Mars na sobrang mahal na mahal ko na programa." —LBG, GMA News