Ken Chan, inaalay ang kaniyang Walk of Fame star kay Kuya Germs

Kung mayroon mang isang tao na pinag-aalayan ni "My Special Tatay" leading man Ken Chan ng kaniyang Walk of Fame star, ito ay walang iba kung hindi ang yumaong si "Master Showman" German "Kuya Germs" Moreno.

 

 

 

 

 

View this post on Instagram

 

 

 

 

 

 

 

 

 

Pabiro kong sinabi kay Tatay(Kuya Germs) noon “Tatay bigyan mo ako ng Star sa Walk Of Fame ah”, sagot naman niya sa akin “balang araw magkakaroon ka din ng Star”. Ngayon dumating na nga ang araw na nagkaroon ako ng Star wala ka naman Tatay, pero alam kong nakangiti at proud kang pinagmamasdan ako habang tinatangap ko ang Star ko sa Walk Of Fame. Sobrang saya ko ngayon! Maraming salamat sa lahat ng bumubuo ng Walk Of Fame Philippines at sa German Moreno Foundation! ?? #WalkOfFame #WalkOfFamePhilippines

A post shared by Ken Chan (@akosikenchan) on

Dec 10, 2018 at 6:17am PST

 

Sa kaniyang Instagram, inalala ni Ken ang sinabi sa kaniya noon ni Kuya Germs na balang araw ay magkakaroon siya ng star sa Eastwood City Walk of Fame.

"Ngayon dumating na nga ang araw na nagkaroon ako ng star wala ka naman Tatay. Pero alam kong nakangiti at proud kang pinagmamasdan ako habang tinatangap ko ang star ko sa Walk Of Fame. Sobrang saya ko ngayon," saad ni Ken.

Natanggap ni Ken ang kaniyang star sa Eastwood City Walk of Fame nitong Lunes.

Si Kuya Germ, na itinuturing tatay-tatayan ni Ken sa showbiz, ang nagsimula ng Walk of Fame Philippines," ayon sa ulat ni Cata Tibayan sa GMA News TV "Balitanghali" nitong Miyerkules.

"Sobrang napakagandang Christmas gift na binigay sa akin ng German Moreno Foundation at ni Kuya Germs. Kahit wala na si tatay, noong ibinigay niya ito sakin, ramdam ko pa rin siya. Alam kong masaya siya para sa akin," anang aktor.-- Jamil Santos/FRJ, GMA News