Nanalo ng award sa isang international film festival ang Kapuso star na si AiAi delas Alas. Full support din siya sa kauna-unahang pelikula ng Kapuso comedian na si Super Tekla.

Sa Star Bites report ng "Balitanghali" nitong Lunes, sinabing nakamit ni AiAi ang Best Actress Award  sa 39th Fantasporto-Oporto International Film Festival sa Portugal.

Ang award ay para sa kaniyang pagganap sa pelikulang "School Service," na idinirek ni Louie Ignacio.

Sa kaniyang Instagram post, nagpaabot ng pasasalamat si AiAi sa natanggap na award at sa mga tumulong at suporta sa kaniya.

 

 
 
 
 
 
 
 
 
 
 
 
 
 

MAGANDANG UMAGA AT NAPAKAGANDANG GISING ... una sa lahat maraming salamat sa atung mahal na ina MAMA MARY AND SA ATING BUTIHING AMA LORD MARAMING SALAMAT PO SA NAPAKA GANDANG BLESSINGS NA ITO SA 2019 ... and thank YOU very much FANTASPORTO INTERNATIONAL FILM FESTIVAL AWARD ( PORTUGAL).. for the best actress award maraming maraming salamat .. nais kong i share ang award na ito sa aking mga co actors sa pelikulang SCHOOL SERVICE ... sa aking peborit director at ang maswerteng ka tandem ko pag gumagawa kami ng movie DIREK LOUI IGNACIO ????... salamat ferdie lapuz at dennis evangelista tita baby go forproducing this film BG PRODUCTIONS) at sa aking pamilya at mga anak SANCHO SHAUN SOPHIA ANDREI AND SAILOR--- sa aking pogi ar mabait na asawa GERALD ( mahal ko kayo kaya ko binubuhos ang powers ko para sa inyo hehe).. at sa lahat ng nanood nito at manonood pa ... and also congrats din sa ka tie ko na si ms ina raymundo @inaraymundo95 @direklouieignacio @gerald_sibayan @sanchovito @sophdelasalas @spuppies10 #shaunnicolo @bgproductions_bgp .. TO GOD BE THE GLORY AMEN!!!!!????????????????????????????

A post shared by AIAI DELAS ALAS (@msaiaidelasalas) on

 

Samantala, full support naman si AiAi sa kapwa niya komedyante na si Super Tekla na magkakaroon na ng pelikula at siya mismo ang biktima.

May special participation AiAi sa naturang pelikula, kung saan kabilang din sina Kim Domingo at Jo Berry.

"Naniniwala ako sa kakayahan niya [Tekla], naniniwala ako sa abilidad niya, at naniniwala ako sa talent niya kaya nandito ako para sa kaniya, ayon kay AiAi.

Gagampanan ni Tekla ang karakter na kambal na isang lalaki na bilib na bilib sa sarili at isang babae na gandang-ganda naman sa sarili. --FRJ, GMA News