Ikinuwento ni Jasmine Curtis-Smith na may bago silang business venture ng kaniyang boyfriend na si Jeff Ortega na isang boutique hotel sa La Union.
"I'll be going to La Union tonight (Martes) agad-agad, because may boutique hotel kami doon. So soft opening, babantayan lang namin kung kamusta 'yung progress no'n," kuwento ni Jasmine sa showbiz press sa grand media conference ng "Maledicto" nitong Martes sa Parañaque City.
Tom Rodriguez at Jasmine Curtis-Smith, bibida sa “Maledicto,” ang kauna-unahang locally-produced horror film ng Fox Networks Groups Philippines. To be shown in cinemas May 1. @gmanews pic.twitter.com/GdNNbOY44e
— Jamil Santos (@Jamil_Santos02) April 16, 2019
Magbabakasyon si Jasmine ngayong Holy Week, pero magtatrabaho pa rin si Jeff bilang manager ng kanilang kabubukas lamang na hotel.
"Ako 'yung mas vacation, 'yung boyfriend ko 'yung mas working. Siya na muna, siya 'yung manager du'n eh," inihayag ng aktres.
Sabi pa ni Jasmine, "I'm an incorporator in it, but the real owners of it are my boyfriend, and the company behind the Wanderland Music Festival, 'yung Karpos brothers. So they're the ones actually who are heading the project. I'm just part of it, na nakikitulong of course with marketing, with visual ideas, whatever they need, someone to back bounce ideas from."
Ayon kay Jasmine, paghahanda niya na rin ito para sa kanilang kinabukasan.
"And then after this, kasi ginawa ko siyang learning avenue for me, sa sarili ko na rin in the future, alam ko na kung paano ko [hahawakan]... Siyempre kailangan ng gano'n 'di ba!" natutuwa niyang sabi.
Kamakailan lang ay nagpunta rin sina Jasmine at Jeff sa South Korea.-- FRJ, GMA News
