Nalulungkot man, pero nauunawaan ni Camille Prats ang hindi na nila pagkakasama ng kaniyang ka-Mars na si Suzi Entrata-Abrera sa revamp ng talk show nila na Mars na "Mars Pa More" na mapapanood na sa GMA.

Inilipat na ang Mars Pa More sa channel 7 na mapapanood ng 8:50 ng umaga mula sa dating slot nito sa GMA News TV Channel 11 ng 7:00 p.m.

"Actually it was a very long talk 'yung transition din ng Mars from GMA News TV to GMA. Parang at the time, it was months of usap-usapan, nothing was final and all that. Pero once na-final na siya..."pahayag ni Camille sa media conference ng Mars Pa More nitong Huwebes sa GMA Network.

"Unang-una, siyempre it was not easy for me to transition from GMA News TV without Ate Suzi because we worked together for seven years. We're practically family, she's practically, almost, she's a part of my life. She's my ninang, lahat ng parte ng milestones ng buhay ko."

Ayon kay Camille, ang GMA management na ang nagdesisyon na iba naman ang i-partner sa kaniya bilang co-host.

"Pero, kaya lang kasi talaga nu'ng nag-transition na to GMA, na-explain naman din sa amin nang maayos why ayaw din siyang papiliin kasi ng management na 'Magma-Mars ka ba or mag-u-Unang Hirit ka?' Unang Hirit has been there for 11 years I think, so dun din siya halos nag-grow."

Nagkaroon aniya ng iyakan nang magkausap sila ni Suzi.

"Siyempre iyakan, iyakan talaga kasi siyempre si ate has always been family to me. Lagi ko naman shini-share 'yun na most of the things that I've learned as a host, I got that from her. Siya rin 'yung halos nag-mentor sa akin. Sobra din kasing kilalang-kilala na namin 'yung isa't isa."

Ngunit  tinanggap ito ni Suzi "professionally" at naunawaang parte ito ng trabaho.

"And it's not an easy decision for her to make also that's why GMA didn't have to ask her to make that decision anymore."

"That's why she took it professionally. She was just sad. Of course she's hurt, but more than that, she took it professionally and, mahal niya kasi 'yung show eh, mahal niya 'yung mga tao ng programang ito."

Si Chika Minute host Iya Villania na makatambalan ni Camille.

"And since it's the morning block, siyempre naiintindihan din po namin 'yung management that they wanted to show na may iba namang moms out there na pwede naman ding magbigay ng ligaya sa umaga, and that's why they got Mars Iya."

"Siyempre nalungkot talaga siya because Mars is her life for seven years. But more than that, she was also embracing the change kasi ganu'n naman po talaga. Minsan may mga changes talaga. Pero at least she's happy na it's Mars Iya who's taking her spot.

"And when I found out it was going to be her, kumbaga mixed emotions na, I was of course, sad, na-sepanx ako without ate Suzi dito sa Mars. But when I found out it was gonna be her (Iya) I knew right away that it was going to be an easy show.

Matagal na aniya niyang kilala si Iya kaya magkasundo na rin sila. —LBG, GMA News