Ikinasal na sina Megan Young at Mikael Daez nitong Sabado matapos ang mahigit walong-taon nilang relasyon.
"Hello to Megan Young-Daez and it’s time for me to get used to Mikael Daez-Young ?????? #Finally" sabi ni Mikael sa kaniyang Facebook post, kung saan makikita ang kasal nila ni Megan sa simbahan.
Blooming si Megan sa kaniyang white one-shoulder dress, samantalang looking dapper si Mikael sa brown tuxedo na suot niya sa seremonya.
"Megan Young-Daez & Mikael Daez-Young ????" pagbahagi rin ni Megan sa kaniyang Instagram post.
Bago nito, nostalgic pa si Mikael nang makita ang ilang throwback pics nila ni Miss World 2013 sa Hong Kong pitong taon ang nakararaan. —Jamil Santos/LBG, GMA News