Inihayag ni Janno Gibbs na nami-miss niya rin ang mga dating variety show na kinabibilangan niya sa GMA Network, tulad ng “S.O.P.,” “Party Pilipinas” at “Sunday All Stars.”

“Nami-miss ko rin siyempre,” kuwento ni Janno kay Kuya Willie Revillame nang mag-guest siya sa “Wowowin.”

“‘S.O.P.,’ ‘Party Pilipinas,’ ‘Sunday All Stars,’ tatlo ’yun,” sabi pa ng “King of Soul.”

“Totoo ba ’yung mga nachi-chismis ka?” pag-usisa naman ni Kuya Wil kay Janno.

“Alam mo ako lang ang nachi-chismis. ’Yung mga kaibigan ko, hindi ko na babanggitin, sila ’yung mas matindi sa akin,” sagot naman ni Janno.

“Never ka bang nambabae?” prangkahang tanong ni Kuya Wil.

“Ako pa!” birong sagot naman ni Janno.

Naging afternoon medley ang “Wowowin” nitong Biyernes nang maka-duet ni Kuya Wil si Janno at kantahin ang kanilang mga kantang “Ikaw Na Nga” at “Ipagpatawad Mo.” – Jamil Santos/RC, GMA News