Cristine Reyes, guest sa ‘Bawal Judgmental’ ng EB; kinilatis ang mga sikat na band vocalists

Si Cristine Reyes ang guest player sa “Bawal Judgmental” segment ng “Eat Bulaga” nitong Sabado at kinilatis ang mga kilalang vocalists ng iba’t ibang Pinoy bands.

Naki-jamming din si Cristine nang kantahin nina Jinky Vidal (Freestyle), Marc Tupaz (Shamrock), Cooky Chua (Color It Red), Medwin Marfil (True Faith), Mcoy Fundale (Orange and Lemons), Sarkie (Silent Sanctuary) at Skarlet (Put3ska) ang kanilang mga sumikat na hits.

Hindi man siya pinalad na ma-perfect ang laro, nanalo naman si Cristine ng P35,000 kasama ang kaniyang home partner na taga-Taytay, Rizal.

“Starstruck” Batch 1 alumna si Cristine kung saan nakasama niya sina Mark Herras, Jennylyn Mercado, Yasmien Kurdi, Katrina Halili, at Sheena Halili. – Jamil Santos/RC, GMA News