Inilabas na ng GMA Network nitong Lunes pagkatapos ng GMA News "24 Oras" ang Christmas Station ID 2020. Dahil sa napakaraming pagsubok na kinakaharap ng bansa ngayong taon, hatid nito ang mensahe ng pagkakaisa, katatagan, at pag-asa.
Ang theme song ngayong taon na "Isang Puso Ngayong Pasko" ay inawit nina Julie Anne San Jose, Aicelle Santos, Maricris Gacia, Golden Canedo, Rita Daniela, Mark Bautista, Christian Bautista, Jeremiah Tiangco, Garett Bolden, at Gabbi Garcia.
Mula ito sa komposisyon ni Natasha Correos.
Sa music video ng GMA-7 Christmas Station ID na may kabuuang pitong minuto, ipinakita ang iba't ibang kalamidad na tumama sa bansa ngayong taon--gaya ng COVID-19 pandemic, pagputok ng Taal Volcation hanggang sa pananalasa ng mga bagyong tulad nina "Rolly" at "Ulysses."
"Christmas is the most opportune time to rekindle the spark of hope, spread joy, and celebrate love. This year's GMA Christmas Station ID intends to engulf the hearts of our viewers with optimism, happiness, and warmth amidst the crisis we are faced with," ayon sa GMA.
"This music video fervently seeks to restore our faith in the good, to remind us of the love we are still very much capable of giving, and to reaffirm our commitment to be each other's keepers," dagdag nito sa pahayag.
Panoorin ang video at alamin ang mensahe ng ilan sa mga paboritong Kapuso star. --FRJ, GMA News
