Kapuso pa rin si Boy Abunda matapos siyang pumirma muli ng kontrata sa GMA Network ngayong Martes.

Sa naturang contract signing, tinawag ng King of Talk ang Kapuso network bilang kaniyang "tahanan."

"This has always been my home. Hindi ako nahirapan na bumalik sa GMA-7 because dito ako nag-umpisa," aypm lau Tito Boy.

"GMA, maraming maraming salamat sa inyong paniniwala, and for the friendship," dagdag niya.

Present sa contract signing sina GMA Network President and Chief Executive Officer Gilberto R. Duavit, Jr., at GMA Network Senior Vice President for Entertainment Group Lilybeth G. Rasonable.

Sa kaniyang mensahe, sinabi ni Duavit na isang karangalan para sa kaniya na makatrabaho si Tito Boy.

"It's an honor and a pleasure not only to be a fellow Kapuso but to be a friend of yours. Maraming salamat sa iyong pagtiwala at sa patuloy nating pagsasama," saad ni Duavit.

December 2022 nang nagbalik sa GMA Network si Boy Abunda. Kasunod nito ay ang pag-ere ng kaniyang daily 20-minute showbiz talk show na "Fast Talk with Boy Abunda" noong January 2023.

Nagkaroon din siya ng TV special na "My Mother, My Story."  

— mula sa ulat ni Jade Veronique Yap, GMA Integrated News