Inamin ni Kylie Padilla na may nadadama siyang kalungkutan sa tuwing napanonood na hindi sila kompleto bilang ang apat na dating Sang’gre sa “Encantadia Chronicles: Sang’gre.” Sa panayam ni Nelson Canlas sa GMA Integrated News Interviews, sinabi ni Kylie na hindi pa sila nag-uusap nina Glaiza De Castro, Sanya Lopez at Gabbi Garcia tungkol sa kaniyang pagkawala noon sa series dahil sa kaniyang pagbubuntis at gusto niyang makabawi. Inihayag din ni Kylie na “bittersweet” siya sa iconic opening scene ng “Encantadia Chronicles: Sang’gre” na mapapanood na magkakasama silang apat.“Bittersweet. Kasi siyempre I know my role in the whole series. Super ganda ng mangyayari kay Amihan, especially when it comes to the birth of the new Sang’gres, kasama si Amihan doon. But then also sad because patay pa rin si Amihan and she's still in Ivtre. So, sad lang ako every time that I watch it and I see the three, my three sisters, na wala si Amihan. I'm heartbroken every time I watch it,” sabi niya.Binalikan ni Kylie ang kaniyang panghihinayang sa pausbong niyang career noon nang gumanap siya bilang Amihan sa Encantadia noong 2016, na naputol dahil sa kaniyang pagbubuntis.“Sobrang pinaghirapan ko para lang magustuhan ‘yung version ni Amihan ko. And then, at the height, I got pregnant. So, it was unexpected. And I really didn't know how else to handle it. Siguro nagulat, siyempre, din ‘yung creatives, writers, how to adjust the story. Sobrang malaking, not just regret, it's a huge, feeling ko kailangan ka pang bumawi. Sana, ‘yun ‘yung expectation ko dito,” sabi niya.“Dream kong mapanood kami ulit na kompleto kami nang hindi patay si Amihan sana. Pero pambawi lang sa mga kapatid ko. It's really painful to see them not complete just because of me,” pag-amin niya.Ayon kay Kylie, hindi na nila napag-usapang apat noon ang tungkol sa kanilang naramdaman nang kailangan niyang umalis sa series.“Actually, we never talked about it. Siyempre, kinongratulate, ‘Congratulations! Happy for you!’ Pero never namin napag-usapan ‘yung, you know, how they felt after I left. Siyempre ako din may fear ako, baka may disappointment,” kuwento niya.Sa series, si Deia, na ginagampanan ni Angel Guardian, ang bagong tagapangalaga ng brilyante ng hangin, na dating tungkulin ni Amihan, karakter ni Kylie. -- Jamil Santos/FRJ, GMA Integrated News
