Inilahad ni Barbie Forteza na nakaramdam siya ng kaba sa magiging reaksyon ng mga manonood sa special screening ng GMA Pictures at GMA Public Affairs horror film na “P77.”
“Dito sa paggawa ng pelikula, especially horror, mas subtle dapat 'yung mga nuances para hindi rin agad mag-give out 'yung horror, hindi ba, para may build up. And also, bukod sa horror genre kasi siya, ang very complex at very full of depth talaga 'yung karakter ni Luna. So mas ‘yun 'yung pinagtuunan ko ng pansin,” sabi ni Barbie sa Chika Minute report ni Athena Imperial sa 24 Oras Weekend nitong Sabado.
Nakatanggap ito ng papuri mula sa mga manood.
“For me as a storyteller, it's more profoundly scary kasi it's touching on something na dine-deny natin na nangyayari. In the Philippines, 'yung care work ay kadalasang naiiwan sa babae,” sabi ni Rod Marmol ng Directors’ Guild of the Philippines.
“Madami siyang in-explore na themes na very personal to us, I'd like to believe, ng mga Pinoy, 'yung pag-abot ng pangarap, 'yung pagiging breadwinner,” sabi ng content creator na si Yani Villarosa.
“Ang maganda dito kasi hindi palagi tina-tackle ng film industry ang mga life experiences ng tao through thriller movie pa,” sabi ng film student na si Janaber Ramirez. —Jamil Santos/VBL GMA Integrated News
