Umaani ng magandang reviews mula sa mga manonood at kritiko ang pagganap ni Barbie Forteza sa horror movie na "P77" na ipinapalabas ngayon sa mga sinehan.
Sa nakaraang GMA Gala 2025, sinabi ni Barbie sa GMA News Online na gusto niyang makagawa pa ng mga horror project sa hinaharap.
"It's my favorite genre to watch and it's such a joy na ako 'yung pinapanood ko sa genre na gusto ko," saad ng aktres.
Natutuwa si Barbie sa mga positibong komento na natatanggap ng naturang pelikula.
"We did the movie a year ago and now we're just so overwhelmed with all the good reviews the film has been receiving," sabi ni Barbie.
"It's such a wonderful film, I hope more people get to watch it, more people get to see it. There's a lot of life lessons, realizations, in the guise of horror, of course," patuloy niya.
Ginagampanan sa pelikula ni Barbie ang karakter bilang si Luna Caceres, na tinanggap ang trabaho bilang tagalinis sa isang misteryosong penthouse. Kasama rin sa pelikula sina Euwenn Mikaell, Gina Pareño, JC Alcantara, Jackie Lou Blanco, Carlos Siguion-Reyna, at marami pang iba.
Ang “P77” ay sa direkyon ni Derrick Cabrido, at produced ng GMA Pictures.
Samantala, napapanood din si Barbie kasama si Kylie Alcantara at Ruffa Gutierrez sa Kapuso series na "Beauty Empire," na napapanood din sa streaming platform na Viu. — mula sa ulat ni Marisse Panaligan/FRJ GMA Integrated News
