Inihayag ni David Licauco na hindi siya takot magkamali para matupad ang kaniyang goals sa buhay, mapa-career man o negosyo, na natutunan niya mula pa pagkabata.
“Growing up, marami rin akong failures. Hindi ako nakuha sa basketball team when I was Grade 5. Hindi pa ako gano'n kagaling. So the following days and months, nag-practice ako nang nag-practice magbasketball. And then the following year, first five na ako sa team,” kuwento ni David sa Chika Minute report ni Nelson Canlas sa 24 Oras.
Inilahad ni David na motibasyon niya ang kaniyang mga pagkakamali matapos siyang dumaan sa matitinding pagsubok sa mga nagdaang taon.
“I try my best to be the best at everything. No, not really (takot sa failures) because for me, it excites me. Kasi if you fail, matututo ka eh. Kapag natuto ka, hindi ka na magkakamali sa next. Maybe hindi mo siya mape-perfect, pero you're one step closer to being good. So failure rin talaga nagsisimula, in my opinion,” sabi niya.
Kasama sa mga pangarap ni David ang pagpapatayo ng luxury villa na ipapagawa niya sa Siargao.
“Nasa phase na ako ng designing and then hopefully after this teleserye, matuloy ko na 'yung construction dahil ako kasi 'yung type na very hands-on sa mga ginagawa ako,” sabi ng Pambansang Ginoo.
Mula sa pagiging isang basketball idol noong kaniyang kolehiyo, plano ngayong lumahok ni David sa isang global indoor fitness competition.
“Hybrid workout siya na every month may race abroad. So 'yung papuntahan ko actually sa Feb. 28 sa Taiwan. So 'yung goal ko doon syempre, mag-place. Kaya I've been working hard talaga for this.”
“Kunwari nasa taping ako, nagwo-workout ako bago pumunta ng taping and before dinner. Parang ang dami nagsasabi sa atin na, ‘Wala akong oras, wala akong time.’ But actually if you really want something, you would make a way for you to get that something,” sabi ni David.
Makikita ang pagiging go-getter ni David sa kaniyang role bilang si Andrew Dizon, isang investigative journalist na hahantong sa pakikipagsagupaan sa mga kriminal.
Mas lalo pang napatingkad ang excitement ni David sa role, dahil sa nabuong closeness nila ng kaniyang co-stars sa "Never Say Die" na sina Jillian Ward, Kim Ji Soo at Raheel Bhyria.
“You know, to my surprise, sobrang bait ni Jillian talaga sa totoo lang. And she is genuine and maybe not a lot of people know this, but she is really smart. She knows a lot of things. She is self-aware. Sometimes, she would give me advice sa business ko,” komento ni David tungkol kay Jillian.
"Oo, nabuo talaga (barkadahan). I love them. Hindi ko rin in-expect na magki-click kami. Like si Ji Soo, siyempre Korean idol. Nagulat ako na same kami ng humor. Si Raheel naman, I think he's a guy who has dreams. And gustong-gustong niyang matuto,” sabi ni David tungkol sa kaniyang co-stars. —Jamil Santos/VBL GMA Integrated News
