Isang puting sports utility vehicle (SUV) ang sumalpok sa Da Gianni Cucina Italianna restaurant ni Matteo Guidicelli sa Alabang nitong Linggo ng hapon. Dahil sa insidente, pansamantalang isinara ang al fresco section nito.
"At around 4:00pm today, an incident occurred where a vehicle rammed into our al fresco area," saad ni Matteo sa Instagram, na may kasamang mga larawan sa nangyaring sakuna.
"We are grateful to share that no guests were injured," dagdag niya na walang guest sa naturang bahagi ng restaurant.
Pero dalawang tauhan ng restaurant at dinala sa ospital.
"Thankfully, there are no serious injuries and they are currently being taken care of," patuloy ni Matteo.
Dahil sa labas lang ang pinsala, bukas pa rin ang indoor dining ng restaurant at ang al fresco area lamang ang pansamantalang isinara.
Paalala pa ni Matteo matapos mangyari ng insidente, laging maging alerto.
"Awareness and prevention are essential. You never know what situation you might find yourself in, so be careful, be ready and always be aware," saad niya, kasabay ng pasasalamat na ligtas din ang kaniyang team.
"Thank you for your concern and prayers. Please stay safe, everyone," anang aktor.
Hindi naman nabanggit kung bakit sumalpok sa resto ang naturang sasakyan.
– FRJ GMA Integrated News
