Naka-duet ni Julie Anne San Jose si Josh Groban sa concert ng multi-awarded American singer and songwriter sa Pasay.
Sa concert ni Josh sa SM Mall of Asia Arena nitong Miyerkoles ng gabi, nag-duet sila ni Asia’s Limitless Star sa kantang “Both Sides Now.”
Sa ulat ng Balitanghali nitong Huwebes, sinabing nagpasalamat si Josh sa experience na maka-duet si Julie onstage.
Labis naman ang pasasalamat ni Julie sa audience.
“What a dream… such an honor and inspiration @joshgroban! It’s a full-circle moment. From listening to your songs ever since I started my musical journey to singing together felt so surreal! Thank you for sharing your kindness and music!” mensahe ni Julie kay Josh sa kaniyang Instagram post.
Sa Instagram din ng Sparkle, nag-post ito ng video nina Josh at Julie na kinakanta ang classic ni Joni Mitchell.
—Jamil Santos/VBL GMA Integrated News
