Para sa mga "single at ready to mingle," sinasabing ang pagmamahal ay nagmumula sa sarili kaya sa tuwing maririnig ang salitang "love" o "pag-ibig," huwag maging bitter at manatiling positibo upang dumating ito ngayong 2018.

Sa programang "Mars" nitong Biyernes, ipinaliwanag ni paranormal expert Rob Rubin na mahalaga na nakikita ang love sa "energy" ng isang tao para lumapit din ito sa kaniya.

"For starters, check your energy when you hear the word love. Because some people, when they hear the word love, malungkot, like 'I'll never find someone.' If that's your energy, you will never find someone. But if you think of love as something inspirational, uplifting, then that's what you're going to attract," sabi ni Rubin.

"It all starts with self-love kasi. Kasi usually when people have a negative connotation sa love, it's because they feel they don't deserve it. But everybody deserves love in this world. So start by understanding that love begins with you and you cannot attract what you don't have. So if you're projecting that, you'll bring somebody into your life who would really resonate with that energy," paliwanag pa ng paranormal expert.

Maigi raw kung haharap sa salamin at sabihin sa sarili na "I have a loving relationship."

"Never use the words I want or I will have. Always use it in the present tense, 'I have a loving relationship.'"

Payo din ni Rubin na iwasang sabihin ang pangalan ng tao na gustong i-attract. Hindi raw puwedeng sabihin ang "I have the loving relationship of (pangalan ng tao)" dahil hindi ito "ethical."

"Always start with an overall general theme and let the universe give you what it needs to give you," sabi ni Rubin.

Love is green

Paliwanag pa ni Rubin, ang "love planet" daw ay Venus at ang kulay nito ay berde kaya kung gustong maakit ang pag-ibig hindi lang ngayong 2018 kundi sa iba pang taon, magsuot ng kulay berde.

"When you wear green, you actually honor the god Venus and because of that she will give you her blessing," paliwanag ni Rubin.

Isa pang payo ni Rubin ay ang pagharap sa salamin tuwing Biyernes sa "Hour of Venus" na makikita sa online dahil nagbabago ito araw-araw.

Pinayo rin ni Rubin na lumabaslabas at kumilala ng mga tao kung gustong matagpuan si "The One."

"Another thing, if you're really looking to meet Mr. and Mrs. Right then go out there, meet people. They won't just come to your door, 'Hi I'm here for you.' So let yourself go out there."

One-night

Hinulaan naman ni Rubin ang magiging kapalaran ng mga tao pagdating sa pag-ibig base sa kanilang sign.

Sinabi ni Rubin na magiging "fiery time" ang taong 2018 para sa mga tao na may fire sign tulad ng Aries, Leo at Sagittarius.

"A lot of romances, not relationships may happen, these one-night romances between you and an individual but if you want to escalate it, if you're into fire sign, that's it for you," sabi niya.

Para naman sa mga may water sign tulad ng Cancer, Scorpio at Pisces, ito ay "Year of Feelings" para sa kanila kaya maaari silang mag-invest ng emosyon at "personal attachment," hindi lamang sa mga taong nagpapatibok ng kanilang puso kundi pati na rin sa ibang tao.

Ipinayo naman Rubin na iwasan ng mga taong may Earth sign tulad ng Taurus, Virgo at Capricorn na magnegosyo kasama ang kanilang minamahal.

Ang mga taong may Air signs naman tulad ng Gemini, Libra at Aquarius, huwag daw masyadong isipin ang mga bagay-bagay pagdating sa pag-ibig at "go with the feeling, don't go with the thought." —Jamil Santos/ALG, GMA News