Nanguna sina Steffi Aberasturi ng Cebu, Asia's Next Top Model winner Maureen Wroblewitz, at aktres na si Kisses Delavin sa Miss Universe Philippines 2021's Runway Challenge.
Nitong Linggo, inanunsyo ng MUPH Organization ang resulta sa social media.
Sina Steffi, Maureen, at Kisses ang nakakuha sa top three spots. Sumunod sina Ayn Bernos, Leren Mae Bautista, Katrina Dimaranan, Maria Corazon Abalos, Noelyn Campos, at Cheri Angel Anne Flejoles.
Kasama sa Top 15 sina Kamille Alyssa Quiñola, Gianne Asuncion, Janela Joy Cuaton, Maica Martinez, Angela Nikki De Grano, at Christelle Abello.
Ang Top 50 candidates na maglalaban-laban sa Miss Universe Philippines 2021 crown ay malalaman matapos ang isa pang pagsubok na ihahayag ngayong Lunes.
Sina Kisses, Ayn, at Maureen ang Top 3 sa Headshot at Video Introduction Challenges.
—FRJ, GMA News