Nilinaw ni Maine Mendoza sa kaniyang post sa X na hindi niya intensyon na gumawa ng kontrobersiya o negatibong reaksyon tungkol sa kaniyang inamin sa isang podcast episode na nabanggit ang dati niyang ka-love team na si Alden Richards.
Ayon kay Maine, ikinagulat niya ang dami ng atensyon na nakuha ng kaniyang kuwento matapos ang maraming taon tungkol sa Kalyerserye at AlDub tandem nila ni Alden.
"I didn’t think the part about my story with Alden would spark controversy, let alone be a big deal, considering that everyone had already moved on from Kalyeserye and AlDub,” saad ni Maine sa post.
Ipinaliwanag ni Maine na layunin ng podcast ang balikan ang tagumpay ng Kalyeserye at ibahagi ang mga hindi pa naikukuwento nilang karanasan.
Dahil malaking bahagi ng segment si Alden, natural lang umano na mapasama siya sa mga napag-usapan sa podcast.
"There is no reason to exclude him [Alden] from the story/our stories, despite his absence, because he was a big part of Kalyeserye—and it would have felt strange to leave him out," ani Maine.
“There was no intention to provoke criticism or negativity towards him or anyone else. I was asked, I answered, and I shared a short anecdote," patuloy niya.
Ibinahagi ni Maine ang tinawag niyang "the biggest question": "Why do we get criticized for saying our truth and the truth? And why is it when we do, some people resort to personal attacks meant to demean and harm?"
“Why pit a woman against a man, as if there’s a competition for who’s more successful? Success isn’t just about career achievements, as if our lives revolve solely around our jobs. In the grand scheme of things, what really needs proving?” tanong pa niya.
Matatandaan na sina Maine at Alden ang bumida sa Kalyeserye at bumuo ng AlDub love team na sumikat nang husto sampung taon na ang nakalipas. Pagkaraan ng ilang taon, tuluyang naghiwalay ang tambalan at nagsimula silang tahakin ang kani-kaniyang solo careers, na ikinadismaya ng maraming fans.
Sa mahabang tweet, inihayag ni Maine ang kaniyang inaasam, "Ten years on, we can revisit and reflect on the good and the bad with a peaceful heart. I hope we can keep moving forward without nurturing hate—because what’s the point? What do we gain from hostility?"
Sa follow-up post, hiniling ni Maine sa fans na: "Please don’t throw hate on Alden. Regardless of what he meant by his words, it was really for the best for both of us and our situation at that time. Don’t read much into it.”
Sa naturang podcast, inilahad ni Maine na nahulog talaga ang loob niya kay Alden sa kasagsagan ng AlDub phenomenon, at alam daw ito sa binata.
“Na-in-love talaga ako kay Alden. Kahit sino magtanong sa akin. Sasagutin ko nang diretso. Na-in-love ako sa kaniya pero hindi siya nanligaw. Walang ganon. Alam din niya kasi very vocal ako sa lahat ng tao pati kay Alden mismo,” sabi ni Maine.
“Straightforward naman ako na tao. Tinanong ko siya rekta, ‘Sabihin mo na sa 'kin, ano bang nararamdaman mo for me?’ Direkta kong tinanong sa kaniya, gusto ko lang malaman. Sabi ko, ’Kung ano man ‘yan, tatanggapin ko naman. Kailangan ko lang malaman," sabi pa ni Maine.
Ayon kay Maine, sinabihan siya ni Alden na, "'Di ko puwedeng sabihin sa’yo kasi mawawala ’yung magic'."
Sa isang panayam sa “Fast Talk With Boy Abunda” noong 2023, tinanong si Alden tungkol sa naramdaman niya noon kay Maine, at inamin ng binata na na-in-love siya sa kaniyang ka-love team.
Bukod sa Kalyeserye, nagkaroon ng napakaraming proyekto ang Aldub, magmula sa mga product endorsement at acting projects gaya ng “Destined to be Yours,” “My Bebe Love: #KiligPaMore,” “Imagine You and Me,” at “Love Is…”
Noong 2023, ikinasal si Maine sa aktor na si Arjo Atayde. — mula sa ulat ni Jade Veronique Yap/FRJ GMA Integrated News
