Inanunsyo ni Donnalyn Bartolome na magpapaalam na siya sa vlogging na magiging regalo raw niya sa sarili.
Sa kaniyang pinakabagong vlog na pinamagatang "The Gift Reverse" na pinost niya noong Martes, nagbigay si Donnalyn ng mga mamahaling regalo sa kaniyang malalapit na kaibigan at kasintahan nasi JM De Guzman.
Sa pagtatapos ng kaniyang vlog, sinabi ni Donnalyn na binibigyan niya ang sarili ng regalo, at inilarawan ang kanyang sarili bilang “that one friend who never left me, not even a second.”
“My gift to myself involves you, involves 10 million of you,” anang content creator.
“There’s no easy way to say this, especially to 10 million of you, but I’m saying goodbye to vlogging. That is my gift to myself,” sabi pa ni Donnalyn.
Sinabi ni Donnalyn na napakaraming bagay ang hindi niya maibabahagi at hindi niya maipapakita ang tunay niyang sarili sa kaniyang followers.
Emosyonal si Donnalyn na nagpasalamat sa kaniyang mga follower dahil sa natanggap na suporta.
“I was able to provide for my family, my loved ones, and other people. I was able to share opportunities with everyone around me because of you. I had a chance to live and survive life,” saad niya.
“And I know it’s not nice to be bid goodbye to, as to some of you I’m a sister, a friend, a future girlfriend,” dagdag pa niya.
Dahil dito, sinabi ni Donnalyn na magkakaroon na lang siya ng 10 huling vlogs, at tinanong ang kaniyang followers kung ano ang gusto nilang mapanood mula sa kaniya. – Jamil Santos/FRJ GMA Integrated News
