Mula sa kasalukuyang ₱20, magiging ₱25 ang presyo ng mga lotto ticket simula Pebrero 1, 2026 dahil palalakihin ang minimum jackpot at mga consolation prize nito. Ang tatama ng apat na numero, maaari nang manalo ng P1 milyon.

“Simula Pebrero 1, 2026, ang lahat ng jackpot-bearing game tickets ay magkakahalaga na ng ₱25.00,” saad sa pahayag ng Philippine Charity Sweepstakes Office (PCSO) sa isang post sa kanilang social media account.

Sinabi rin ng PCSO, bagama’t kasama sa mga pagbabago ang maingat na pagtaas sa presyo ng ticket, layunin nito na magbigay sa mga manlalaro ng “more competitive ‘risk-to-reward’ ratio.”

"More importantly, the increased participation fueled by these larger jackpots directly expands the funds generated for the PCSO’s vital mission: providing health, medical assistance, and social welfare programs to millions of Filipinos," saad pa sa pahayag ngayong Biyernes.

Ang magiging jackpot prize ay:

Minimum

  •     Lotto 6/42 - previously P6 million now P10 Million
  •     Mega Lotto 6/45 - previously P9M now P15M
  •     Super Lotto 6/49 - previously P16M now P25M
  •     Grand Lotto 6/55 - previously P30M now P45M
  •     Ultralotto 6/58 - previously P50M now P75M

Consolation prizes

  •     Lotto 6/42 - up to P1.1M (five numbers) P1M (four numbers)
  •     Mega Lotto 6/45 - P1.2M (5) P1.1M (4)
  •     Super Lotto 6/49 - P1.3M (5) P1.2M (4)
  •     Grand Lotto 6/55 - P1.4M (5) P1.3M (4)
  •     Ultra Lotto 6/58 - P1.5M (5), P1.4M (4)

Ayon sa PCSO, mananatili ang progressive jackpot system. Kapag walang nanalo ng jackpot, patuloy na lalaki ang premyo hanggang sa may tumama sa lahat ng anim na numero.

Sinabi ni PCSO General Manager Mel Robles, na ipinapakita sa naturang pagbabago ang pagsisikap ng PCSO na gawing mas kapana-panabik at mas kapaki-pakinabang ang bawat draw para sa mga manlalaro.

"These higher starting jackpots reflect our commitment to keeping the games exciting while ensuring the long-term sustainability of our charitable initiatives," ani Robles.

"Every ticket purchased is not just a chance to win; it’s a contribution to the nation's welfare,” dagdag pa niya. — Joviland Rita/FRJ GMA Integrated News