Ilan pang mga personalidad, gaya nina Gabbi Garcia, Atom Araullo at Amy Perez, ang pumuna sa naging pahayag ni 4th District Representative Bong Suntay tungkol kay Anne Curtis sa ginawang pagdinig ng House Justice committee nitong Martes.

“If you hold power, act like it. Objectifying women, even in passing remarks is unacceptable. We are not here to be reduced to someone’s imagination. NAKAKADIRI,” saad ni Gabbi sa kaniyang post sa X.

 

 

Nanawagan naman ng pananagutan si Atom mula sa mga nakaupo sa puwesto sa kanilang mga ginagawang pahayag.

“If the honorable congressman thinks those remarks belong in the halls of Congress, one can only imagine what passes for normal conversation in private, especially when women aren’t in the room,” sabi ng award-winning broadcast journalist.

“What followed was even worse: intellectual dishonesty and refusal to engage with criticism. The familiar playbook of strongman politics that seems to be spreading everywhere these days,” pagpapatuloy ni Atom.

Hindi naman itinago ni Amy Perez, kapwa "It's Showtime" host ni Anne, ang kaniyang pagkadismaya at inilahad ang kaniyang pagtutol sa mga sinabi ni Suntay.

"I'm so disappointed Mr. Representative," ani Amy. "Disgusting talaga!"

Pinaalalahanan din niya ang publiko tungkol sa mas malawak na usapin ng misogyny, o pagkagalit o pambabastos sa mga babae.

"Baka 'di n'yo alam o nabasa pa…. Misogynistic comments are verbal, written, or digital expressions of hatred, contempt, or prejudice against women, often demeaning them through stereotypes, sexual objectification, or insults," sabi pa ni Amy.

Idiniin pa niya ang kahalagahan ng respeto at pananagutan.

"Basic respect for women involves recognizing their inherent dignity, equality, and agency as human beings, not just polite courtesy. It requires active listening, valuing their opinions, ensuring their safety from objectification or harassment," sabi ni Amy na may hashtag na #womensmonth.

 

 

"When a public official makes a bastos or offensive analogy.. The right response is accountability, not blaming the public for noticing it po. Sana nag isip ka ng ibang analogy na hindi bastos," sabi naman ni Winwyn Marquez sa kaniyang Instagram Stories.

Sabi naman ni Therese Malvar sa Instagram, "Nakakadiri ka."

Ibinahagi rin nina Gary Valenciano, Abi Marquez, Matet De Leon, Nadine Lustre, Bianca Gonzalez, Bela Padilla, at Ivana Alawi ang kanilang mga reaksyon.

"Please let us not normalize this behavior. Disgusting, especially for a public servant," sabi ni Bianca.

"May mga nakangiti at natatawa tawa pa. Kadiri," ani Nadine.

"Hindi nga naman siguro pwedeng kasuhan 'yung imagination…pero pwede natin tandaan 'tong video na 'to for future reference," sabi ni Bela.

Nauna nang inalmahan nina Jasmine, kapatid ni Anne, at kanilang inang si Carmen, ang mga pahayag ni Suntay kay Anne.

"Mr. Bong Suntay [you are a] sick man, I reckon! [You're] foul!" sabi ni Carmen sa Facebook.

“This moment is not about one female celebrity. It is about how ALL WOMEN, regardless of profession, continue to be reduced to bodies in spaces dominated by men in power,” sabi ni Jasmine sa kaniyang pahayag sa Facebook.

Humingi ng paumanhin si Suntay kay Anne at sa mga nasaktan sa kaniyang mga pahayag sa deliberasyon ng House Committee on Justice habang dinidinig ang reklamong impeachment laban kay Bise Presidente Sara Duterte. Gayunman, nanindigan siya sa kaniyang paghahalimbawa o “analogy.”

"While may mga tao siguro that found the analogy in bad taste, doon sa mga na-offend, tayo'y, inuulit ko, walang malice doon sa ninais nating gawin doon sa statement na iyon. Ayaw natin makasakit through that analogy,” sabi ni Suntay sa isang ambush interview nitong Miyerkoles ng umaga.

“But kung may nasaktan, humihingi tayo ng dispensa. Kay Ms. Anne Curtis din, kung nasaktan siya sa sinabi [ko], uulitin ko, there was no malice intended at tayo humihingi ng dispensa sa kaniya. Pero when, totoo 'yung it was a fictitious situation na aking ginawa. Isa lang ang totoo doon, 'yung sinabi kong ang ganda-ganda niya," patuloy niya.-- Carby Rose Basina/Jamil Santos/FRJ GMA Integrated News