Bilang pagkilala sa climate change activist na si Greta Thunberg, ipinangalan sa kaniya ng isang history museum sa London ang isang uri ng insekto.
Sa ulat ng Reuters, pinangalanang "Nelloptodes Gretae" ng London Natural History Museum ang isang uri ng beetle o salagubang, bilang pagpupugay kay Thunberg.
Ayon kay Dr. Max Barclay, senior curator, hindi naman ito ang unang pagkakataon na may kilalang personalidad na ipinangalan sa insekto.
"There have been recent examples, I mean there's a fly that's been named after Beyonce. There is a spider recently named after David Bowie at about the time that he died," sabi niya
"People are wanting to mark somebody who they have respect and esteem for and at the same time wanting to raise awareness of the natural world and the vanishing natural world and the importance of collections as well," dagdag niya.
Marami ang humanga sa dedikasyon at matatapang na pahayag ni Thunberg para labanan climate change.--Reuters/FRJ, GMA News
