Inamin ni Atom Araullo sa “Fast Talk with Boy Abunda” nitong Biyernes na matagal na siyang may karelasyon.
“Matagal na. How many years? See—We don’t even count. It’s been a while,” sagot ng award-winning Kapuso journalist nang tanungin kung mayroon siyang nobya.
Hindi tinukoy ni Atom kung sino ang babae pero sinabi niya na isa itong “public figure.”
“She is public. I think people know. People on social media know. They see us often,” ayon kay Atom.
Nang tanungin naman tungkol sa pagpapakasal, sinabi ni Atom na natural itong napag-uusap sa isang seryosong relasyon.
“That’s always in someone’s mind when they’re in a serious relationship. So, definitely, it’s something that you think about. Something that you’re ready for. I’m not setting a deadline or timeline for it,” paliwanag niya.
Samantala, tatalakayin ng “The Atom Araullo Specials,” sa upcoming documentary ang “Magic Island” na Siquijor, sa November 30 sa ganap na 3:15 p.m. sa GMA Network.—Carby Rose Basina/FRJ GMA Integrated News
