Kinontra ni Presidential Spokesman Salvador Panelo ang puna ng isang dayuhang mamamahayag sa kasuotan ni Pangulong Rodrigo Duterte na hindi umano maayos nang humarap kay Russia’s Prime Minister Dmitry Medvedev.
Sa post sa Twitter ni Pavel Vondra, editor ng Czech Radio Plus sa Prague, ipinakita nito ang larawan nina Duterte at Medvedev.
Saad niya sa caption: "Rodrigo #Duterte showed up a bit unkempt for the meeting with the Russian PM Medvedev in Moscow and the Russian internet is having a blast: 'Did he drink all night?', 'Did he just leave the pub?', 'Do Filipinos know what a (state visit) protocol is?' people ask. #DuterteInRussia."
Pero paliwanag ni Panelo, sadya raw maluwag lang kung gumamit ng necktie si Duterte dahil hindi siya komportable kapag masikip ito.
“President Duterte does not look unkempt. What those kibitzers refer to is the way he wore his tie. He loosened it up. He feels suffocated and very uncomfortable if the tie is tightly in place in the collar,” ayon kay Panelo.
Hindi rin umano nais ni Duterte na bastusin si Medvedev o ang mga Russian dahil sa maluwag nitong necktie.
“President Duterte dresses up for comfort, he is not particular on unsettling other people. He is upfront on everything he does,” saad ni Panelo.
Idinagdag pa ng opisyal na malinis sa katawan ang pangulo at mabango, batay sa obserbasyon ng mga nakakasalamuha nito.
“His body emits a refreshing scent as observed by people who meet up close to him,” sabi ni Panelo.
Nasa Russia si Duterte para sa five-day official visit kung saan makikipagpulong siya sa mga lider at negosyante ng naturang bansa. May nakatakda rin siyang pakikipagkita sa mga Pinoy doon sa Sabado. — FRJ, GMA News
