Dumami pa ang lugar sa Luzon ang isinailalim sa Signal No. 1 habang napanatili ang Tropical Depression “Crising” ang kanilang lakas, ayon sa state weather bureau PAGASA nitong Huwebes ng gabi. 

Sa 11:00 pm bulletin ng PAGASA, nakasaad na ang mga lugar na nakapailalim sa 

Signal No. 1 ay ang:

  • Batanes
  • Cagayan including the Babuyan Islands
  • Isabela
  • Apayao
  • Abra
  • Ilocos Norte
  • Ilocos Sur
  • Kalinga
  • Mountain Province
  • Ifugao
  • Benguet
  • La Union
  • Quirino
  • The northern portion of Aurora (Dilasag, Casiguran, Dinalungan, Dipaculao, Baler, Maria Aurora)
  • Nueva Vizcaya
  • The northern portion of Pangasinan (San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, Bugallon)
  • The northern portion of Nueva Ecija (Carranglan, Pantabangan)
  • Polillo Islands
  • Camarines Norte
  • The northeastern portion of Camarines Sur (Caramoan, Garchitorena, Lagonoy, San Jose, Presentacion, Tinambac, Siruma, Goa)
  • Catanduanes

Ayon sa PAGASA, namataan si Crising sa layong 460 kilometro silangan ng Baler, Aurora, taglay ang pinakamalakas na hangin na aabot sa 55 km/h, at may pagbugso ng hangin na umaabot na 70 km/h.

Kumikilos ang bagyo pa-hilagang kanluran sa bilis na 15 km/h, at inaasahang magpapatuloy sa parehong direksyon sa loob ng susunod na 24 na oras.

Inaasahan ng PAGASA na tatama sa kalupaan ang bagyo sa mainland Cagayan o Babuyan Islands sa Biyernes ng hapon o gabi, July 18. 

Posible rin na magiging isang Tropical Storm si Crising pagsapit ng Biyernes ng umaga, at maaaring lumakas pa bilang Severe Tropical Storm sa Sabado ng umaga o hapon, July 19.

“Once Crising intensifies into a tropical storm, there is a likelihood that the hoisted wind signals will be upgraded to Wind Signal No. 2 over Cagayan, including Babuyan Islands, Apayao, Ilocos Norte, and the northern portions of Ilocos Sur, Abra, Kalinga, and Isabela. And, if forecast track shifts further north, including the southern portion of Batanes,” ayon sa PAGASA.

Sa pagtaya pa ng PAGASA, lalabas na ng Philippine Area of Responsibility si Crising sa Sabado ng hapon o gabi. –FRJ, GMA Integrated News