Tumanggap ng parangal ang mga Kapuso sa 8th Entertainment Editors' Choice Awards (EDDYS Awards) ng Society of Philippine Entertainment Editors (SPEEd) na ginanap nitong Linggo ng gabi sa Manila Marriott Hotel.
Kabilang sa mga parangal na ibinigay sa Kapuso Network ay para GMA Pictures, ang pelikulang "Green Bones,"at sina Marian Rivera, Alden Richards, Dennis Trillo, at Ruru Madrid.
Sa social media, proud na binati at ibinahagi ni Atty. Annette Gozon Valdes, GMA Network senior vice president, ang mga parangal na natanggap ng mga Kapuso sa EDDYS Awards.
"GMA Pictures wins big at the 8th Eddy's Awards!!!" saad ni Gozon-Valdes.
"Maraming maraming salamat [SPEEd] and the [EDDYS Awards] for the recognition!" dagdag niya.
List ng Kapuso winners:
Producer of The Year: GMA Pictures
Best Picture: "Green Bones"
Best Actress: Marian Rivera for "Balota"
Best Actor: Dennis Trillo for "Green Bones"
Best Supporting Actor: Ruru Madrid for "Green Bones"
Box Office Heroes: Alden Richards, Ruru Madrid, Dennis Trillo
Best Director: Zig Dulay for "Green Bones"
Best Cinematography: Neil Daza for "Green Bones"
Ang "Green Bones" ay base sa original story ni JC Rubio, senior documentary manager ng GMA Public Affairs, na umikot ang istorya kay Domingo Zamora (Dennis), na napagbigtangan na pumatay sa kaniyang kapatid na babae at pamangkin na babae. Magtatagpo ang mga karakter nila ni Ruru na isang prison guard sa isang piitan.
Samantala, ang "Balota" sa direksyon ni Kip Oebenda, ay tungkol sa isang guro (Marian) na poprotektahan ang ballot box na naglalaman ng huling kopya ng election results kasunod ng karahasan sa halalan. — mula sa ulat ni Hermes Joy Tunac/FRJ, GMA Integrated News
xxx
