Higit P1 per liter na rollback sa presyo ng mga produktong petrolyo, posible sa susunod na linggo

Inaasahan na mababawasan ang presyo ng mga produktong petrolyo sa susunod na linggo, ayon sa Department of Energy - Oil Industry Management Bureau (DOE-OIMB).

Ngayong Biyernes, sinabi ni DOE-OIMB assistant director Rodela Romero na ang posibleng pagbabago sa presyo ng mga produktong petrolyo ay batay sa galaw ng kalakalan sa Mean of Platts Singapore (MOPS) sa nakalipas na apat na araw ay:

•     Gasoline - humigit-kumulang rollback na ?1.20 per liter
•     Diesel - humigit-kumulang rollback na ?1.70 per liter
•     Kerosene - humigit-kumulang rollback na ?1.75 per liter

“The bearish theme dominated all week is attributed with robust supply and weak demand overshadowing temporary geopolitical spikes,” ayon kay Romero.

“Added to it is an optimism over a peace agreement between Russia and Ukraine,” dagdag niya..

Posible pa umanong magbago ang halaga sa galaw ng mga presyo sa huling araw ng kalakalan ngayong Biyernes.

Karaniwang inaanunsiyo ng mga kompanya ng langis ang opisyal na price adjustment tuwing Lunes, at ipinatutupad kinabukasan ng Martes.—FRJ GMA Integrated News