Hindi na pinapatulan pa ni Kapuso star Gil Cuerva ang mga basher at mapanirang balitang ipinupukol sa kanya dahil focused daw siya ngayon sa mga susunod niyang project.
Sa Star Bites report ni Aubrey Carampel sa GMA News "Balitanghali," nitong Biyernes, sinabi ni Gil na walang katotohanan ang pagkaka-link sa kaniya sa direktor ng katatapos niyang series na "My Love from the Star" na si Joyce Bernal.
Dagdag pa ni Gil, kaibigan at mentor ang turing niya sa batikang direktor.
"For people to come up with something like that, nakakatawa, I'm sure," inihayag ni Gil sa kaniyang birthday celebration kasama ang mga fans.
Dahil isang animal lover, ipinagdiwang ni Gil kamakailan ang kaniyang ika-22 kaarawan sa isang cat and dog cafe kasama ang fans.
"What better way to show your thanks, your appreciation than by celebrating your birthday with your fans, with the people who support you the most."
Ayon sa ulat, gusto pa raw i-improve ni Gil ang kaniyang acting skills, kaya sumailalim siya sa acting workshop ng New York-based acting coach na si Anthony Vincent Bova.
"Overall, I learned so much. But more important than the acting techniques and acting skills that Mr. Anthony Vincent Bova teaches us, it is the empowerment he gives each and everyone of us as individuals." -- Jamil Santos/FRJ/KVD, GMA News
