Inamin ni Alexander Lee na si Heart Evangelista ang una niyang naka-kissing scene sa isang drama-romantic series para sa "My Korean Jagiya." Si Heart, may inamin naman na ginagawa niya sa restaurant para makahingi ng tip sa mga kostumer noong bata pa siya.

Inihayag ito ni Alexander sa Kapuso ArtisTambayan nitong Huwebes sa larong "Truth or Lie," kung saan nagbigay sila ni Heart ng trivia tungkol sa kanilang sarili, at huhulaan din nila kung totoo o hindi ang sinabi ng isa't isa.

"My Korean Jagiya' is my first kissing scene in drama," pinahulaan ni Alexander kay Heart kung totoo o hindi.

"Lie," sagot ni Heart, ngunit pinabulaanan ito ni Alexander, at sinabing "Eh Eh! It's really my first time."

"Really? With somebody?" tanong ni Heart. Sumagot naman si Alexander, "On screen on drama, yeah."

Isang tagahanga naman ang nagtanong via chat kung liligawan ba ni Alexander si Heart kung single ito ngayon.

Pag-amin ni Alexander, masyado siyang "overwhelmed" sa aktres kaya maaari raw na mahirap siyang abutin ang aktes.

"If she was single... You know, the thing is like, I'll be honest, okay. She is sometimes, guys, we feel very overwhelmed with how she's so talented, pretty, so successful, everything. If she was single, it would give me a feeling like, 'Hmm, maybe she's too good for me," paliwanag ng aktor.

Kanta kapalit ng tip

Ikinuwento naman ni Heart na nu'ng bata siya at sa sobrang gusto niyang maging isang singer, kumakanta raw siya sa restaurant para makahingi ng tip.

"Lie! Your mom won't let you do that!" sagot ni Alexander, pero mali siya.

"It's the truth," sabi ni Heart.

"When I was young, my dad would be so inis at me, gusto ko talagang mag-artista kasi nga ang usapan magve-vet nga ako. My dad had a restaurant, and after school, I would go there and I would sing different Filipino songs. I'd get the costumes of waiters and I would sing," kuwento ng aktres.

"And I would get tips and buy my toys," dagdag niya.

Naglaro rin ang magka-love team ng "Turuan mo ako ng Korean", kung saan hinulaan ni Heart ang mga ibig sabihin ng Korean words at hinulaan naman ni Alexander ang ibig sabihin ng mga Filipino words.

Panoorin ang kulitan ng dalawa:


-- Jamil Santos/FRJ, GMA News