Ibinahagi ni Thea Astley na isinugod siya sa emergency room ilang oras bago ang una niyang solo show matapos mabagok ang kaniyang ulo sa banyo.
Sa Facebook, ikinuwento ni Thea na naganap ang insidente noong Marso 27 kung saan nadulas siya at tumama ang kaniyang ulo sa lababo.
“I woke up and the floor was bloody and I could feel what I assumed was blood trickling down my face,” sabi niya, at idinagdag na nawalan siya ng malay nang “a little less than a minute,” batay sa salaysay ng kaniyang kapatid.
Agad siyang dinala sa ER, kung saan bumalik sa normal ang resulta ng mga pagsusuri, ngunit tinahi ng mga doktor ang isang sugat sa kaniyang noo.
Pinayuhan si Thea na manatili para sa obserbasyon, pero pinili niyang umuwi.
Dahil sa insidente, nagkaroon ng mga huling-minutong pagbabago sa kaniyang gayak sa kaniyang show.
“So if you’re wondering about the bangs, that was not a premeditated creative decision,” pagbabahagi niya. “The doctor had to shave a patch for the stitches so we improvised.”
Sa kabila ng pagsubok, itinuloy ni Thea ang nakatakda niyang pagtatanghal na "Unwrapped with Thea Astley," na ginanap nang araw ding iyon sa Brewing Point Fisher Parkway sa Quezon City.
“Admittedly, I wasn’t at my 100% but I still showed up and I gave what I could,” sabi niya, na nagpapasalamat sa kaniyang team sa paggawa ng mga pagsasaayos para matiyak ang kaniyang kaginhawahan.
Nagbigay-diin ang kaniyang karanasan sa kahalagahan ng access sa pangangalagang pangkalusugan, at pinunto niyang nakatulong ang kaniyang HMO sa pagsakop sa mga gastos sa emergency visit.
“Accidents like this can happen to anyone at any time,” ani Thea. “I’m just grateful to be OK.”
Si Thea ang first runner-up ng “The Clash” Season 2.
Noong 2024, natanggap ni Thea ang Best Performance in a Musical Award sa BroadwayWorld Philippines Awards.
—Jamil Santos/VBL GMA News
