Sa edad na 62, wala pang balak magretiro ang batikang broadcaster at "24 Oras" anchor na si Tita Mel Tiangco matapos siyang pumirma muli ng kontrata sa Kapuso Network nitong Miyerkoles. Pero may mga naiisip na raw siyang gawin kapag dumating ang araw na kailangan na niyang magretiro.
"24 Oras" news anchor Mel Tiangco remains a Kapuso as she renews contract with GMA Network today, January 31. @gmanews pic.twitter.com/FrVH0KhvuY
— Jamil Santos (@Jamil_Santos02) January 31, 2018
Sa panayam sa GMA News Online, sinabi ni Tita Mel na naniniwala siya na bibigyan siya ng "sign" ng Maykapal kapag kailangan na niyang magretiro.
"When I retire, alam mo, I truly believe in faith created by God and destiny given to you by the Lord. I will wait for the time, and I will see what He tells me. Planning now, yeah, there is such a thing as planning. Right now I'm not planning because I just signed my contracts so may time pa ako," pahayag niya.
Ayon sa broadcaster, gusto niyang i-enjoy ang kaniyang sarili matapos ang kaniyang pagtatrabaho.
"Pero I'd like to be kind to myself when I retire. I want to spoil myself. Sabi nga nila, I want to enjoy what I have worked for all of these decades in media," dagdag niya.
Inihayag ni Tita Mel na marami siyang naisakripisyo noon sa kaniyang sarili at sa pamilya, kaya gusto niya namang makabawi sa kanila.
"So that's like saying, marami akong sinakripisyo when I was working, when I was active. Ang dami kong sinakripisyo for me and my family. 'Pag nag-retire ako, 'yun ang babalikan ko. Family and things that I didn't do for myself because of my work," paliwanag ng batikang brodkaster.
May kinahihiligan daw si Tita Mel, at ito ang kaniyang gagawin matapos ang kaniyang pagreretiro.
"Alam mo, matatawa ka sa akin 'pag sinabi ko sa 'yo. The first thing I will do is to do a general cleaning of my house. Kasi nu'ng panahon ng nagtatrabaho ka pa, naiiwan mo 'yan sa mga helper mo sa bahay. But you know I'm the kind of, mahilig akong maglinis, I want everything in order. I want everything organized. I'll do that! That's the first thing I will do, is to clean my own house," masaya niyang kuwento.
Mapapanood si Tita Mel Tiangco sa "24 Oras" at GMA anthology series "Magpakailanman."-- FRJ, GMA News
