Sobrang proud si Miss World 2013 Megan Young sa pagkakapili sa sister niyang si Lauren Young para magkaroon ng guest role sa upcoming Korean drama titled "Where Stars Land."
Ang mga bida sa naturang K-drama ay sina Lee Je-hoon at Chae Soo-bin.
Sa October 1 na ito magpi-premiere sa South Korea.
Bukod kay Lauren, kasama rin sa naturang Koreanovela ang Kapamilya hunk na si Ejay Falcon.
“Natuwa ako for Lauren when she told me that she landed a guest part sa isang new Korean drama.
“We searched it pa nga sa Google kung sino ang mga makakasama niya.
“Sabi ko, 'Magpa-picture ka sa kanila.'
“It's something very new to us—yung K-drama—and I'm happy that Lauren was able to get a guest part," pahayag ni Megan nang makapanayam ng PEP.ph (Philippine Entertainment Portal) sa set ng "The Stepdaughters" sa Grand Heights Subdivision, Antipolo City noong nakaraang September 19.
Nagpadala raw si Lauren ng audition tape para sa naturang K-drama kaya ito nakuha.
Kuwento ni Megan, “Somebody inquired regarding sa mga puwedeng mag-audition for the K-drama.
“Lauren send an audition tape. Medyo kinabahan pa siya and she felt na she wouldn’t get it.
“Kaya I really prayed for her to get it and when she got it, she was really happy.
“We kept it a secret pa, and I promised Lauren na hindi ko muna ipagsasabi kahit kay Mikael [Daez].
“Actually, nakalimutan ko na nga ang tungkol doon, until naibalita na siya.
“Kaya doon lang din nalaman ni Mikael,” sabi niya. -- For the full story, visit PEP.ph
