Kahit iniidolo ng marami at kung minsan ay kinaiinggitan, may kaniya-kaniya pa ring insecurity ang ilang celebrity.
Sa Chika Minute report ni Lhar Santiago sa GMA News "24 Oras" nitong Miyerkoles, aminado ang "Pamilya Roces" star na si Rocco Nacino na "height" ang isa sa kaniyang insecurities.
"Sa mga mas matangkad sa 'kin, isa po 'yon. Pero minsan natutunan ko na i-push aside para idaan na lang sa galing," saad ng aktor.
Ang Kapuso "it girl" na si Gabbi Garcia, nai-insecure daw sa mga ka-edad niyang nakapag-aral nang tuloy-tuloy.
"I get jealous of my batchmates now that they're all graduating and i'm still on my second year," pag-amin niya.
Samantala, kahit laging nasasabihan na guwapo at may sexy body, hindi pa rin secure si Manolo Pedrosa sa kaniyang katawan.
"Matabain po talaga ako, so I make sure na I work out consistently. 'Yung diet ko dapat laging in, dapat very healthy 'yung diet ko," paliwanag niya.
Ang reigning Mrs. Universe Philippines at aktres na si Patricia Javier, nai-insecure din daw kapag nadagdagan ang kaniyang timbang.
"Nai-insecure ako du'n sa mga taong ang lakas kumain na they can eat anything," saad niya.
Nakaka-insecure din daw na may guwapo siyang doctor husband na maaaring pag-interesan ng ibang babae.
Ang "American Idol" first runner up at international singer na si Jessica Sanchez, aminadong dumanas din ng insecurities pero nalampasan niya ito.
Ang payo niya, "The best way to get through that is to have good people around you that are always, you know, helping you and pushing you and telling you, listen, you're beautiful, you're amazing, keep on what you're doing and to also have a lot of self-love." -- FRJ, GMA News
