Kinumpirma ni Kapuso singer-actress Julie Anne San Jose na break na sila ni Benjamin Alves.

Sa panayam sa kaniya ng showbiz reporters nitong Huwebes para sa "The Sweetheart and the Balladeer: Fun Night Only," tinanong si Julie tungkol sa priorities niya ngayong taon.

"Time for myself and for my family also. I hope we would travel more this year," sagot niya.

Nakitanong din si Christian Bautista kung makakaya kaya niyang mag-travel alone.

 

 

"Yeah! Actually why not? I haven't pero nakakaalis ako nang walang companion o guardian. Parang mas gusto kong kasama 'yung family ko. Darating na ako diyan 'pag mag-isa na ako."

Matapos nito, tinanong si Julie kung handa na ba siyang may patuluying muli sa puso niya.

"I don't think I'm ready for that. I just wanna focus on myself and sa work ko. I'm really, really focused pagdating sa mga bagay bagay when it comes to my work, my craft. I'm bettering myself, and my music. 'Yun 'yung important for me this year."

 

 

Wala ba munang love life?

"Wala muna. Darating tayo diyan," anang Kapuso singer.

Sinegunduhan ito ng panayam sa kaniya ni Bernie Franco ng PEP.ph, kung saan kinumpirma ni Julie na single siya ngayon.

"Yes! Since last year. I'm okay, I'm good. Better."

Tinanong din kung friends pa ba sila ni Benjamin. "No," ang kaniyang sagot.

Matatandaang naging usap-usapan ang hiwalayan nina Julie at Benjamin matapos makita ang new look ni Asia's Pop Sweetheart na maikli ang buhok.

Pero ayon sa kaniya, wala naman itong kahulugan.

Bago nito, pumanaw ang ama ni Benjamin at kailangang lumipad ng aktor sa Guam. — LA, GMA News