Mula sa kaniyang sweet na imahe, palaban at astigin na ngayon si Gabbi Garcia lalo't sumasalang pa siya sa target shooting para sa kaniyang upcoming action series. Ang six-time speed shooting champion na si Jethro Dionisio, namangha naman sa skills ni Gabbi.
Sa intense outdoor target shooting training agad sumabak ang Kapuso Millenial It Girl, kung saan pinag-aralan din niya ang tamang porma o stance.
Bukod dito, sumailalim din si Gabbi sa speed and course shooting.
"Ang gandang opportunity kasi it opened new doors for me. It opened new learnings din as well."
Kung kaya hanga naman ang Olympian na si Jethro sa ipinakitang pagpupursigi ni Gabbi.
"She's doing really great. She learns very fast. Actually 'yung mga ginagawa namin ngayon is considered advance na eh," ayon kay Jethro.
Dahil dito, balak na ni Gabbi na gawing hobby o sport ang target shooting, hindi lang para sa preparations niya sa kaniyang project.
Naunawaan ni Gabbi na may responsibilidad sa paghawak ng baril.
"Once you have the gun, once you're more aware of the gun, you should be more responsible of it. Dapat continous knowledge about the gun. Hindi birong humawak ng baril. It can actually make or break a person's life," anang aktres. — Jamil Santos/MDM, GMA News
