Ibinahagi ni Juancho Triviño ang nakatutuwang reaksyon ng isang galit na fan sa karakter niyang si Padre Salvi sa "Maria Clara at Ibarra." Ano naman kaya ang kaniyang tugon bilang si Padre Salvi?
Sa kaniyang Tiktok, na makikita rin sa Unang Balita nitong Biyernes, mapapanood ang isang babaeng fan na inaasar si Padre Salvi dahil sa galit nito sa karakter.
@juanchotrivino #duet with @IGuessYouFoundElyAgain Reaction to weekly fan mail. #FeelingBlessed ? original sound - IGuessYouFoundElyAgain
Si Padre Salvi ang nagmamalupit kina Basilio at Crispin.
May reaksyon din si Juancho sa galit na fan, na nagugulat at nakasimangot, suot ang kaniyang Padre Salvi costume at in-character.
Sa kaniyang post, marami pang netizens ang naghayag ng kanilang pagkainis kay Padre Salvi. —LBG, GMA News
