Ibinahagi nina Kris Bernal at Perry Choi na magkakaroon na sila ng baby.
Sa Instagram, nag-post si Kris ng tila movie poster nila Perry na may pamagat na: "When Two Become Three."
Makikita ang wacky na larawan ng mag-asawa na may magulong set-up ng mga pagkain at laruang pambata.
May hawak pang sonogram si Perry.
"WE ARE PREGNANT!," saad ni Kris sa caption.
"We weren’t really 'trying' but we were blessed with pregnancy!" dagdag niya.
Ayon kay Kris, naghinala na siya na buntis siya ilang linggo bago nila ito nakumpirma sa pregnancy test.
"It happened - we weren’t really 'trying' but we were blessed with pregnancy! [prayer emoji] I can still remember I’ve felt a rush of different emotions when the test showed two lines. I already had suspicion weeks prior to finding out the good news but I was able to confirm it when something happened," sabi ni Kris.
Pebrero 2020 nang maging engaged ang dalawa, at ikinasal noong September 2021.
Sa isa pang post, sinabi ni Kris na sa Agosto niya nakatakdang isilang ang first baby nila ni Perry.— FRJ, GMA Integrated News
