Nilinaw ni David Licauco na wala siyang kinalaman sa naging hiwalayan nina Jak Roberto at Barbie Forteza. Pero may plano kaya siyang ligawan ang ka-love team niyang aktres? Alamin.
"Well, one thing's for sure. Directly, I did not do... I'm not part of their breakup," pahayag ni David sa kaniyang guesting sa "Fast Talk with Boy Abunda" nitong Miyerkoles.
"Before, Barbie and I never really text, especially noong sila. Of course, now paminsan, magkakumustahan lang kayo. Pero before, we never texted talaga. Swear to God. So, pretty much, hindi talaga ako parte nu'n," pagpapatuloy niya.
"Wala akong kinalaman," paglilinaw pa niya kay Tito Boy.
Matatandaang sa gitna noon ng hiwalayan nina Barbie at Jak, inihayag ni David na single at "chill lang" siya.
Nang tanungin si David tungkol dito, sinabi niyang "aware" siya rito.
Sa Fast Talk segment, pinapili si David sa "oo," "hindi" at "depende" kung manliligaw siya kay Barbie.
"Depende," tugon ng Sparkle actor, bago ipinaliwanag ang kaniyang sagot.
"I mean, who knows, 'di ba? Whatever happens, happens. If it happens, it happens. But at this point, like, not really. I'm just going with the flow," paliwanag niya.
Sa kabila nito, sinabi ni David na "really close" sila ni Barbie, at inilarawan ang kanilang ugnayan ngayon.
"Paminsan, magkakumustahan kami via text. Ganiyan, kakamusta lang, gano'n. Parang, 'What's happening na?' Kamusta siya? Kamusta 'yung movie na ginagawa niya? 'Yun lang naman, it's more of that, like, 'Good luck.' And whenever we're together, like shooting, mga commercials, lately kasi wala naman kaming teleserye, Tito Boy. So it's more of the endorsements that we're doing," patuloy ng aktor.
"We talk about everything. And nothing," sabi pa ni David na bida sa pelikulang "Samahan ng mga Makasalanan" na ipalalabas sa mga sinehan sa April 19. -- FRJ, GMA Integrated News
