Inihayag ni Ruffa Gutierrez na may pinagdadaanan sila at hindi nag-uusap sa ngayon ni Herbert Bautista.
“With Herbert, well, we're going through a bump right now and we're not speaking. So let's see if that bump will last or we'll speak again. I don't know,” sabi ni Ruffa sa “Fast Talk with Boy Abunda” nitong Huwebes.
Ayon kay Ruffa, pareho silang abala ni Herbert sa ngayon, at mainam na makapag-isip-isip muna sila pareho.
“Well, I've been busy also and he has other things that he should take care of as well when it comes to personal matters. So maybe this is also a good time because it's been five years since we first met again on the set of a project that we did. So, limang taon. So, magandang space ‘to para makita natin kung itutuloy ba or ihihinto natin.”
Sinabi rin ni Ruffa na hindi sila nagli-live in ngayon ni Herbert.
“Hindi ako naniniwala sa live-in. Kaya 'yung mga relasyon ko, nagtatagal kasi may space, excited kayo to see each other. Kung everyday, gumigising ka, siya 'yung katabi mo, parang, oh my gosh. I don't know, ha? Sorry, my longest relationship kasi was seven years. Hindi pa ako lumalampas ng seven years.”
Pag-alala ni Ruffa, edad 13 pa lang siya noon nang una silang magkita ni Herbert. Hindi agad sila nagpansinan.
Hanggang sa sumali siya noon sa Miss World, at binigyan siya ni Herbert ng isang libro.
“And then I remember when I was 17, binigyan niya ako ng libro. Sabi niya, ‘Ito, basahin mo itong libro na ito. Maganda ‘yan. Para ‘pag tinanong ka sa Q&A sa Miss World, makakasagot ka.’ So ako naman, ‘My gosh, may pictures ba ito? What's this book?’”
Sa kabila ng nararanasan nilang gusot sa relasyon, sinabi ni Ruffa na patuloy niyang sasariwain ang mga magagandang pinagsamahan nila ni Herbert.
“So even if we're going through a little bump right now, I will always treasure our precious moments because he's the one that encouraged me also to study.”
“Marami ako natutunan sa kaniya and for that I'm very thankful,” dagdag niya.
Napag-uusapan ang kasal?
Tinanong ni Tito Boy si Ruffa kung napag-uusapan nila ni Herbert ang kasal.
“You know, Tito Boy, marriage is very difficult. I don't know if I'm ready for that step yet. Herbert's also not ready,” diretsahang sagot ni Ruffa.
Para sa kaniya, mas mahalaga ang magkaroon ng lifetime partner.
“I think what's more important rather than discussing marriage is, you know, looking for someone that will be your best friend, soulmate, and lifetime partner. Kasi hindi naman ibig sabihin ‘pag kinasal, kayo na forever. Marami talagang unhappy marriages ngayon. So I think it's someone that you can grow old with.”
Ayon pa kay Ruffa, mahalaga na buo ang isang babae at kusang dadating ang pag-ibig.
“I know I'm not going to grow old alone. Yes, I have my dogs, I have my kids. But I know I'm going to be holding somebody's hand when I'm old and gray. Whether it's Herbert or whether it's another man, I'm sure meron ‘yan,” sabi niya.
”What's important is buo ka bilang babae as a person. 'yung love naman, darating na lang yun eh sa buhay mo to enhance your life. But not, you know, don't focus too much on love. Kasi that will follow naman,” dagdag pa ni Ruffa.
Inamin ni Ruffa noong nakaraang taon na mayroon silang relasyon ni Herbert. — Jamil Santos/BAP, GMA Integrated News
