Matutupad na ang pangarap ni Rocco Nacino na maranasang sumabak sa isang professional wrestling match ngayong Setyembre.

Batay sa social media account ng Filipino Pro Wrestling, sinabing haharapin ni Rocco si Thiago “The Gym Bro” Santiago sa darating na Setyembre 14.

“Rocco’s done with the pranks and this time, he suits up for battle to take on his tormentor, the Gym Bro Thiago. Will Nacino Heat’s natural athleticism and experience be enough to be victorious or will Thiago prove that he is the ultimate wrestler to watch out for?” saad sa promotion.



Ayon sa Topend Sports, ang professional wrestling ay isang wrestling style at isa ring uri ng entertainment.

“It involves staged performances that blend elements of athletics, drama, and storytelling,” saad ng Topend Sports.

Tulad ng WWE at AEW, mayroong storyline na sinusunod ang mga professional wrestler. Pinayuhan naman ang viewers na huwag gayahin ang kanilang napanonood sa screen.

Ilan sa sports ni Rocco ang mixed martial arts, basketball, at boxing.

Nagwagi na rin siya ng gold a bronze medals sa isang jiu jitsu competition na kaniyang sinalihan.

Noong Abril, naglabas din si Rocco sa kaniyang YouTube channel ng birthday prank kung saan sumali siya sa isang FPW match.


“Dream ko kahit saglit lang maranasan ‘yan, i-try natin,” saad niya. – Jamil Santos/FRJ GMA Integrated News