Muling naging usap-usapan sina Karylle at Dingdong Dantes matapos mag-guest ang huli sa noontime show na “It’s Showtime” noong Hunyo. Ang singer-actress, sinagot ang tanong kung maaari ba silang maging “friends” ng Kapuso Primetime King.
Sa “Fast Talk with Boy Abunda” nitong Miyerkoles, tinanong ni Tito Boy si Karylle kung naging awkward ba ang muling pagtatagpo nila ni Dingdong, na dati niyang naging nobyo.
“Awkward ba?” natatawang panimula ni Karylle. "I did see a lot of clips, and I wouldn't have put myself in a situation na hindi ako handa siguro. So sometimes people judge na, 'Bakit hindi mo hinaharap?' Minsan hindi ka pa handa, so why would you put yourself in a situation na baka may magawa kang hindi exactly maganda."
Kaya para kay Karylle, “it was okay” ang muling pagkikita nila ni Dingdong. Gayunman, inamin niyang hindi siya handa noon.
"Kasi parang some people were like, 'Are you avoiding?' Sabi ko, 'Hindi. Minsan, nagkakataon lang na you're also working or doing theater shows, etcetera," sabi niya.
"But yeah, it was a beautiful moment,” ani Karylle.
Inihayag niyang hindi madali ang hiwalayan nila ni Dingdong noon, at naihalintulad niya rin ito sa kaniyang kabataan noon.
"You see, all is well, you know? I think with every public breakup, it's a bit hard. Even my childhood was like that. I was six years old when that happened to me, and that was very public. You know, to just protect your sanity," saad niya.
Tanong pa ni Tito Boy sa kaniya: “Are you looking to being friends with Dong?”
"I don't know if 'friends' is the word. I would imagine, being people in the same industry, we could support each other. I see that he supports our movie, I did my best to kind of support their own movies, so I think supporting each other, maybe,” tugon niya.
Gayunman, hindi sigurado si Karylle kung maaari pa silang magkaibigan ni Dingdong.
“The friendship, I don't think it’s in the cards anymore," dagdag pa niya.
Tumagal ng tatlong taon ang relasyon nina Dingdong at Karylle, na nauwi sa hiwalayan noong 2008.
Ngayon, kasal na si Karylle sa Sponge Cola frontman na si Yael Yuzon, habang si Dingdong naman ay kasal na kay Marian Rivera.—FRJ GMA Integrated News
