Pumanaw na sa edad na 58 si Sara Jane Paez Santiago, ang nagwaging Binibining Pilipinas Universe noong 1989.

Sa social media, nagbigay-pugay ang Binibining Pilipinas (BBP) organization kay Sara sa pamamagitan ng pagbabahagi ng mga throwback photos mula sa kaniyang pagkapanalo noong 1989.

“We remember and honor the life and legacy of Sara Jane Paez Santiago, Binibining Universe 1989,” saad ng BBP sa post nito sa Instagram.

“Thank you for the light you shared and the pride you brought to Binibini. You will always be remembered. Rest in peace,” dagdag nito.

Hindi pa inihahayag ang sanhi ng kaniyang pagpanaw.

Nagbigay din ng pagpupugay ang Miss Universe Philippines kay Sara Jane sa social media na ipinagmamalaki nilang kumatawan sa Pilipinas sa Miss Universe pageant sa Cancun, Mexico.

"She carried our country with grace and pride on the international stage, leaving a lasting mark in our pageant history. Our heartfelt condolences go out to her family and loved ones," saad ng Miss Universe Philippines.

Nagpaabot din ng pakikiramay sa social media ang mga kaibigan ni Sara, kabilang ang aktres na si Marina Benipayo at social media personality na si Gitre San Diego.

"Our dear friend, Sara Jane Paez Santiago, has gone home to our creator. Pls include her in your prayers," saad ni Marina sa Facebook post, na may kasamang detalye ng burol ni Sara Jane.  

"Would always see Sara Jane Paez Santiago during the Binibining Pilipinas reunions, she was always the nicest and sweetest," ayon naman kay Gitre sa hiwalay na Facebook post.

Isinilang si Sara Jane noong February 12, 1968, at pumanaw noong January 13, 2026.

Kinumpirma ng Santuario de San Antonio Parish sa Forbes Park, Makati City sa GMA News Online ang burol ni Sarah Jane:

January 15: 7 p.m. to 10 p.m.

January 16: 12 p.m. to 10 p.m.

January 17: 12 p.m. to 10 p.m.

January 18: Memorial mass at 1:30 p.m.

Minsan na rin nakapaglaro si Sara at kaniyang pamilya sa GMA games show na “Family Feud,” at sila ang umabot sa jackpot round. Watch: Theatre Gems vs Paez Family.

 

— Hermes Joy Tunac/FRJ GMA Integrated News