Ibinahagi ni Ruffa Gutierrez ang positibong balita tungkol sa ikalawang medical procedure na isinagawa sa kaniyang ama na si Eddie.
Sa kaniyang Facebook post, nagbahagi si Ruffa ng ilang larawan kasama si Eddie habang nasa Singapore, kung saan isinagawa ang medical procedure.
Inilahad ni Ruffa na bumubuti na ang lagay ng kaniyang ama, lalo tungkol sa spine infection nito.
“Everything involving Dad’s spine infection has greatly improved,” ayon kay Ruffa, batay na rin kay Dr. Prem Pillay ng Neuro Spine & Pain Center sa Mount Elizabeth Hospital.
Dagdag pa ni Ruffa, mas stable na ang kondisyon ng veteran actor.
“Dad’s nerves are no longer as compressed, kumakain na ulit si Daddy, and most importantly, we are hopeful that he will be able to walk again soon,” ayon pa kay Ruffa.
Pagbabahagi pa ng aktres, malapit na silang umuwi sa Pilipinas.
“One more visit with his urologist, and we’re finally heading home to Manila. Yayyyy!” sabi niya.
Pinasalamatan ni Ruffa ang lahat ng sumuporta at nagdasal para sa kanilang ama at pamilya sa panahon ng pagsubok.
“We are so thankful for Dad’s ongoing recovery and for every single prayer said on his behalf. So many sleepless nights, so many tears…but also so much love,” patuloy niya.
“To everyone who checked in, stayed with us in prayer, and showed genuine concern for Dad, thank you from the bottom of our hearts. We love you all so much,” dagdag ni Ruffa.
Nito ring buwan, lumipad si Ruffa pabalik sa Singapore kasama si Eddie at inang si Annabelle Rama para sa ikalawang medical procedure ng kaniyang ama
Nagkaroon si Eddie ng spinal procedure noong nakaraang buwan. Matapos nito, sinabi ni Ruffa na may senyales ng pagbuti ng kalagayan ang kaniyang ama.
Gayunman, sinabi ni Ruffa na "an MRI revealed a serious infection."
Sinabi pa niyang nakatakdang manatili si Eddie ng dalawang linggo nitong Enero sa Singapore at muling lilipad sa Marso para sa isa pang procedure. -- Jamil Santos/FRJ GMA Integrated News
